Bakı kəndlərindən oğurluq etməkdə təqsirləndirilən 21 yaşlı Nurəddin Orucov saxlanılıb.

 

APA TV-nin xəbərinə görə, ilk məhkumluğu da oğurluq üstündə olan Nurəddin cəmi 3 ay təcridxanada olub.

 

Çıxdığı gündən yenə köhnə peşəsinə qayıdıb. Təcridxanada olduğu müddətdə isə barmaqlarına döymə vurmağı unutmayıb:

 

- Bu nədir belə?

- SER.

- Nə deməkdir?

- Svoboda - eto ray.

- Azadlıq cənnətdir?

- Bəli.

- Etdiyin əmələ bu uyğun gəlir?

- Xeyr. Olub da.

 

İstintaqla müəyyən olunub ki, Nurəddin Orucov 30-a yaxın mənzildən oğurluq edib. Oğurladıqları əşya və avadanlıqları isə qonşuluqda yaşayan Mübariz Məmmədova satıb: "Bilmirəm neçə epizoddur. Bir çox evdən oğurluq etmişəm. Kabel, qızıl, digər əşyalar çıxıb".

 

Faktla bağlı Abşeron RPİ-nin istintaq şöbəsində araşdırma aparılır.