Tovuzda fərdi yaşayış evində yanğın qeydə alınıb. APA TV-nin qərb bürosunun verdiyi xəbərə görə, hadisə Tovuz rayonunun Dondar Quşçu kəndində baş verib.

Kənd sakini Vilayət Abdullayevə məxsus, ümumi sahəsi 32 kv/m olan birmərtəbəli, 1 otaqlı evdə başlayan yanğın nəticəsində tavanı 8 kv/m sahədə və ev əşyaları qismən yanıb. Yanğın zamanı xəsarət alan olmayıb.

Evin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb. Hadisənin qısaqapanmadan qaynaqlandığı ehtimal edilir.