İndoneziyanın Bali adasında Aqunq vulkanı püskürüb, daha sonra yeraltı təkanlar qeydə alınıb.

 

APA TV-nin Rusiya mətbuatına istinadən məlumatına görə, vulkanın külü 7,5 kilometr hündürlüyədək qalxıb. Yerli hökumət yaxın ərazilərdəki əhalinin təxliyəsini tələb edib.

 

Təbiət hadisəsi ilə əlaqədar yüksək təhlükə səviyyəsi elan edilib, hava limanı uçuşlar üçün qapadılıb, yüzlərlə reys təxirə düşüb. Minlərlə turist hava limanına toplaşaraq, ölkələrinə qayıtmaq üçün növbə gözləyir.

 

Qeyd edək ki, 1963-cü ildə sözü gedən vulkanın püskürməsi zamanı 1000-dən çox insan həlak olub.