İsrailin Tel-Əviv şəhəri yaxınlığında partlayış baş verib. İnşaat materialları mağazasında baş verən partlayış nəticəsində 4 nəfər ölüb. APA TV-nin məlumatına görə, bu barədə yerli televiziya xəbər verib.

Məlumata görə, xilasedicilər dağıntılar altından 4 nəfərin meyitini aşkar edib. Bundan əlavə hadisə nəticəsində xəsarət alan 5 nəfər xəstəxanaya yerləşdirilib. Partlayışın səbəbləri barədə hələ ki məlumat verilmir.

Hadisə yerində xilasedici əməliyyat davam edir. Partlayışdan sonra güclü yanğın başlayıb, ticarət obyekti yerləşən bina qismən uçub. Hadisənin səbəbləri araşdırılır.