Türkiyədə fabrik işçilərini aparan avtobus qəzaya uğrayıb - ÖLƏNLƏR VAR
Türkiyənin Bursa vilayətində ağır yol qəzası baş verib. APA TV-nin “Cihan” agentliyinə istinadən verdiyi xəbərə görə, hadisə Mudanya yolunda qeydə alınıb.
Fabrik işçilərini daşıyan avtobusun minik avtomobili ilə toqquşması nəticəsində 3 nəfər ölüb.
Zərbənin gücündən avtobus yanı üstə aşıb. Avtoqəza nəticəsində çoxlu sayda xəsarət alanların olduğu bildirilsə də, onların dəqiq sayı barədə hələlik məlumat verilmir.
