Türkiyədə ağır avtomobil qəzası baş verib. APA TV-nin "Cihan" agentliyinə istinadən verdiyi xəbərə görə, avtoqəza Türkiyənin Suriya ilə sərhədindəki Hatay vilayətində, Altungözü qəsəbəsində qeydə alınıb.

Məlumata görə, həmin yolda polislərin şübhəli bilərək saxlamaq istədiyi "Ford" markalı mikroavtobus göstərişə məhəl qoymayaraq sürətini artırıb. Həmin mikroavtobusda suriyalı miqrantların olduğu bildirilir. Sürəti artırmaqla nəqliyyat vasitəsini idarə edən sürücü sonradan mikroavtobusu qarşıdan gələn yük avtomobilinə çırpıb.

Avtoqəza nəticəsində 10 nəfər hadisə yerində dünyasını dəyişib. Mikroavtobusun sürücüsü də daxil olmaqla, 8 nəfər ağır xəsarət alaraq xəstəxanalara yerləşdirilib.