Rəsmi İslamabad: "Sərhədlərimizi pozan təyyarələr vurulacaq"
Pakistan Hərbi Hava Qüvvələrinin komandanı Süheyl Aman ABŞ başda olmaqla, ölkəsinin hava sərhədlərini pozan təyyarələrin vurulacağını açıqlayıb.
APA TV-nin Türkiyə mətbuatına istinadən məlumatına görə, komandan bunun iki həftə əvvəl ABŞ-a aid PUA ilə Əfqanıstanla sərhəddə iki dinc sakinin öldürülməsinə cavab xarakteri daşıdığını bildirib.
O deyib ki, bundan sonra kimsə ölkəsinin hava sərhədlərini, ərazi bütövlüyünü poza bilməyəcək:
"Əgər bu baş verərsə, cavabımız çox sərt olacaq".
Qeyd edək ki, Xarici İşlər Nazirliyi də ölkəyə qarşı istənilən hücum cəhdinin qarşısının alınacağını bəyan edib.
