Biləsuvarda avtomobil qaçıran və dükanlardan oğurluq edən dəstə zərərsizləşdirilib. APA TV-nin cənub börusunun məlumatına görə, Biləsuvar Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində həmin dəstə üzvlərindən maddi sübutlar da götürülüb.

Rayonun Nəsim kənd sakinləri Səbuhi Ağazadə, Şahin Cavadov və Taleh Əliyev qabaqcadan əlbir olaraq yaşadıqları kənddə dükanın pəncərəsini sındırmaqla içəri daxil olaraq, oradan pul və tütün məmulatları götürüb. Onlar elə həmin gün yol kənarında dayanmış “VAZ 2106” markalı avtomobili qaçıraraq hadisə yerindən uzaqlaşıb. Həmin avtomobilin yanacağı qurtardıqdan sonra Şahin yenidən növbə ilə digər iki “VAZ” markalı avtomobili qaçırmaqla onun izinə düşmüş polislərdən gizlənməyə çalışıb.

Daha maraqlısı isə odur ki, o qaçırdığı avtomobillərin dövlət nömrə nişanlarını tanınmasın deyə palçıqla boyayıb. Keçirilən əmliyyat zamanı cinayəti törətməkdə şübhəli bilinən hər 3 şəxs saxlanılıb. Hazırda faktla bağlı istintaq araşırmaları aparılır.