Avstriyada iri qazpaylayıcı anbarlardan birində partlayış olub. APA TV-nin Rusiya mətbuatına istinadən məlumatına görə, hadisə ölkənin Baumqarten anbarında qeydə alınıb.

Partlayış zamanı 1 nəfər ölüb, 60 nəfər yaralanıb. Onlardan 18 nəfərin vəziyyəti ağırdır.

Hazırda hadisə yerində yanğınsöndürənlər və xilasedicilər işləyir. Əraziyə giriş-çıxış və yaxınlıqdan keçən yollar bağlanıb.

Hadisənin səbəbləri və nə qədər ərazini əhatə etdiyi barədə hələlik məlumat yoxdur.

Partlayış səbəbindən anbardan "mavi yanacaq" ötürülən İtaliya, Sloveniya və Macarıstana nəql dayandırılıb.