"İran Livanda raket bazası inşa edir. Bu dəfə bütün Livan ərazisi hədəfimizdə olacaq. Bu ölkənin daşı-daş üstündə qalmayacaq".

 

APA TV-nin Səudiyyə Ərəbistanının "Elaph" portalına istinadən məlumatına görə, bu bəyanatla İsrail Kəşfiyyat İdarəsinin rəhbəri Yizrael Katz çıxış edib.

O deyib ki, bu İsrail üçün "qırmızı xətt"dir, buna nəyin bahasına olur-olsun mane olacaqlar: "İranın bölgədə nə etdiyini, harda nə iş gördüyünü ən yaxşı biz bilirik. Buna görə də hərbi müdaxilə edəcəyimiz istisna deyil. Biz eyni addımları Suriyada da etmişik, bunu xatırlasınlar. Amma bu dəfə müdaxiləmiz daha güclü və genişmiqyaslı olacaq".