Astara polisi ölkəyə qaçaqmalçılıq yolu ilə gətirilən külli miqdarda narkotik aşkarlanıb.

 

APA TV-nin cənub bürosunun xəbərinə görə, Astara Rayon Polis Şöbəsinin əməkdaşları rayon ərazisində əməliyyat keçirib.

 

Əməliyyat-axtarış tədbirləri zamanı şəhər sakini Orxan Əlizadə saxlanılıb. Onun üzərinə baxış keçirilən zaman üzərindən bir bükümdə çəkisi 41,2 qram olan tiryək aşkar edilərək götürülüb. Onun Astara şəhəri Səməd Vurğun küçəsində yerləşən yaşadığı evə də baxış keçirilib. Bu zaman isə əlavə olaraq 3 bükümdə ümumi çəkisi 3 kiloqram 370 qram narkotik vasitə olan tiryək də aşkar edilib.

 

Şübhəli şəxs qismində tutulmuş Orxan Əlizadə narkotik vasitələri qabaqcadan əlbir olduğu Nadir adlı İran İslam Respublikasının vətəndaşından aldığını və qaçaqmalçılıq yolu ilə əldə etdiyini bildirib.

 

Faktla bağlı cinayət işi başlanılıb, istintaq aparılır.