"Niderland Krallığı Gürcüstanın sabiq prezidenti, Odessanın keçmiş qubernatoru Mixail Saakaşviliyə vətəndaşlıq verə bilər".

 

APA TV-nin Rusiya mətbuatına istinadən məlumatına görə, bunu krallığın xarici işlər naziri Halbe Zeylstra jurnalistlərə bildirib. O deyib ki, sabiq prezident Niderland vətəndaşı ilə rəsmi nikahda olduğundan vətəndaşlıq üçün müraciət etmək hüququna malikdir.

 

Bundan bir qədər əvvəl isə ölkənin Ədliyyə Nazirliyi sabiq qubernatorun Niderland ərazisində müvəqqəti yaşamaq hüququ almaq üçün müraciət edə biləcəyini açıqlayıb.

 

Qeyd edək ki, holland əsilli Sandra Rulofs ilə evli olan M. Saakaşvili bir qədər əvvəl  bəzi Avropa ölkələrinin ona vətəndaşlıq təklif etdiyini bəyan edib.