Motosikletçini avtomobil vurdu - XƏSARƏT ALAN VAR
Bakının Sabunçu rayonunda minik avtomobili motosikletlə toqquşub. APA TV-nin xəbərinə görə, hadisə Maştağa qəsəbəsində, keçmiş Məmmədyarov dairəsi yaxınlığında baş verib.
Qəza nəticəsində motosikletin sürücüsü, 1997-ci il təvəllüdlü Ələsgərov Sərxan Ağayar oğlu xəsarət alaraq 3 saylı Şəhər Klinik Xəstəxanasına çatdırılıb. Vəziyyətinin orta-ağır olduğu bildirilir.
Faktla bağlı araşdırma aparılır.
