Rusiya İŞİD-dən təmizlənən Suriyada yeni müharibəyə başlayacaq.

 

APA TV-nin məlumatına görə, Rusiyanın xarici işlər naziri Sergey Lavrov İŞİD terror təşkilatına qarşı aparılan müharibənin əsas hissəsinin bitdiyini söyləyib.

 

Bundan sonra əsas hədəf “ən-Nusra” terror təşkilatıdır. Lavrov Rusiyanın vəzifəsinin “ən-Nusra” Cəbhəsini aradan qaldırmaq olduğunu bildirib.

 

Qeyd edək ki, iki həftə öncə Suriyaya rəsmi səfər edən Rusiya prezidenti Vladimir Putin rus ordusunun Suriyanı tərk edəcəyini bildirmişdi. Bundan sonra rusiyalı hərbçilərin ölkəni tərk etməsi barədə xəbərlər yayılmışdı. Ötən gün isə Rusiyanın Tartus və Xmeymim hərbi bazalarında daimi ordu saxlayacağı xəbəri yayıldı.