"ABŞ İŞİD terror qruplaşmasını dəstəklədiyi barədə iddiaları qəti şəkildə rədd edir".

 

APA TV-nin Rusiya mətbuatına istinadən verdiyi məlumatına görə, bu açıqlama Pentaqondan verilib.

 

"Birləşmiş Ştatların İŞİD-ə dəstək verməsinə dair iddialar yalan və cəfəngiyatdır. Biz terrorçuları dəstəkləmirik. ABŞ tərəfdaşları ilə birgə terrorçuların yaxalanması, yaxud məhv edilməsi üzərində çalışır" - deyə, bəyantda vurğulanır.

 

Qeyd edək ki, bundan əvvəl Rusiya rəsmiləri ABŞ-ı İŞİD-ə dəstək verməkdə ittiham edib.

Pentaqondan həmçinin İŞİD terrorçularının Fərat çayı vadisinə sığındıqları açıqlanıb.

Bu barədə qurumun rəhbəri Ceyms Mettis bildirib. O qeyd edib ki, İŞİD artıq həmin ərazilərdə möhkəmlənməyə başlayıb:

"Biz hazırda bəzi dəqiqləşdirmələr aparırıq. Orada dinc sakinlər də yaşayır, onların həyatı təhlükədədir"

Xatırladaq ki, adı çəkilən ərazilər Suriyanın mərkəzi bölgələridir.