Gecə saatlarında paytaxtda 27 yaşlı gənc bıçaqlanıb. APA TV xəbər verir ki, qanlı hadisə Bakının Yasamal rayonunda baş verib.

1991-ci il təvəllüdlü Süleymanov Fərid Rafiq oğlu ağır vəziyyətdə 1 saylı Xəstəxanaya çatdırılıb. Onun bədəninin müxtəlif hissələrində 6 bıçaq zərbəsinin izləri aşkarlanıb.

Məlum olub ki, F.Süleymanov Zərdabi və Akim Abbasov küçələrinin kəsişməsində hələlik adı açıqlanmayan şəxslə əlbəyaxa olub. Dava zamanı isə qarşı tərəf ona çoxsaylı bıçaq xəsarətləri yetirib.

Cinayətin istintaqını Yasamal RPİ-nin əməkdaşları araşdırır.