Cənubi Afrika Respublikasında baş vermiş dəmir yolu qəzasında azı 18 nəfər dünyasını dəyişib. APA TV-nin "Associated Press" agentliyinə istinadən verdiyi xəbərə görə, qəza zamanı sərnişin qatarı yük maşını ilə toqquşub.

Hadisə Hennenman və Krunstad şəhərləri arasında baş verib. Toqquşmadan sonra qatarın bir neçə vaqonu relsdən çıxaraq yanıb. Port Elizabet-Yohanesburq reysi ilə hərəkət edən qatarda 713 sərnişin olub.

İnsident nəticəsində 260 nəfər xəsarət alıb. Yaralıların çoxunun vəziyyəti ağırdır.