ABŞ-ın Kaliforniya ştatında silahlı insident baş verib. APA TV-nin xəbərinə görə, bu barədə Los-Anceles polisi özünün sosial media hesabında məlumat yayıb.

Məlumata görə, Santa-Klarita yaşayış məntəqəsində baş verən atışmada 4 nəfər ölüb. Yerli sakinlərə əraziyə yaxınlaşmamaq tövsiyə edilib. Polis faktla bağlı araşdırmalara başlayıb.

Müəyyən edilib ki, silahlı insident bir ailənin daxilində baş verib. Adı açıqlanmayan bir kişi ailə üzvlərini güllələyib, sonra intihar edib. Məlumata əsasən, ailə başçısı əvvəl həyat yoldaşını, sonra isə iki övladını qətlə yetirib.

İnsidentin detalları müəyyənləşdirilir.