Tovuzda oğurluq olub. APA TV-nin qərb bürosunun verdiyi məlumata görə, hadisə rayonun Hacallı kəndində baş verib.

Gecə saatlarında kənd sakini Müşfiq Tağıyevin tövləsindən iki baş mal-qara yoxa çıxıb. Ev sahibinin dediyinə görə, axşam heyvanların hamısı yerində olub. Səhər saatlarında isə iki baş iribuynuzlu mal-qaranın oğurlandığını görüb.

M.Tağıyev dərhal Tovuz Rayon Polis Şöbəsinə məlumat verib. Kənd sakininin sözlərinə görə, oğru ərazini yaxşı tanıyan birisi olub. O, yalnız kökəltmək üçün bağlanılan heyvanları seçib aparıb.

Faktla bağlı araşdırma aparılır.