Bakının Nəsimi rayonu ərazisində piyadanın ölümü ilə nəticələnən yol-nəqliyyat hadisəsi baş verib. APA TV-nin məlumatına görə, hadisə 3-cü mikrorayon dairəsi yaxınlığında, C.Səlimov küçəsində qeydə alınıb.

1968-ci il təvəllüdlü Məmmədov Elçin Fəqan oğlu həmin ərazidə yolu keçə zaman onu taksi kimi xidmət aparan avtomobil vurub. E.Məmmədov 1 saylı Xəstəxanaya çatdırılsa da, onun həyatını xilas etmək mümkün olmayıb.

Hadisə ilə bağlı Nəsimi polisinə məlumat verilib. Sürücü saxlanılıb və ifadəsi alınıb. Təfərrüatlar araşdırılır.