Bakı-Qazax magistral yolunda piyadanın ölümü ilə nəticələnən yol-nəqliyyat hadisəsi baş verib. APA TV-nin qərb bürosunun verdiyi məlumata görə, hadisə yolun Goranboy rayonu ərazisindən keçən hissəsində baş verib.

Hərəkətdə olan "VAZ 2107" markalı avtomoibl qəfildən avtomobil yoluna daxil olduğu iddia edilən Abbasov Həbib Musa oğlunu vurub. Təxminən 20-25 yaşlarında olan piyada aldığı xəsarətlərdən hadisə yerində dünyasını dəyişib.

Faktla bağlı hüquq-mühafizə orqanları tərəfindən araşdırma aparılır.