Şəmkirdə 20 yaşlı gənc özünü bıçaqlayaraq intihar edib. APA TV-nin qərb bürosunun verdiyi məlumata görə, hadisə rayonun Zəyəm Cırdaxan kəndində baş verib.

Kənd sakini, 1998-ci il təvəllüdlü Hüseynov Tural Sakit oğlu yaşadığı evdə bıçaqla öz ürək nahiyəsinə bir zərbə vurub. Qan itirən gənc dərhal Şəmkir Rayon Mərkəzi Xəstəxanasına yerləşdirilib. Ona tibbi yardım göstərilsə də, həyatını xilas etmək mümkün olmayıb.

Faktla bağlı Şəmkir rayon Prokurorluğunda araşdırma aparılır. İntiharın səbəbləri dəqiqləşdirilir.