Yasamal RPİ -nin inzibati binasında intihar  faktı  qeydə alınıb.  Axşam saatlarında təqsirləndirilən şəxs özünü idarənin 4-cü mərtəbəsindən aşağı atıb.  Kəllə beyin travması və bədənin coxsaylı sınığı  xəsarətləri aldığından  onu  polis əməkdaşları  xəstəxanaya catdırıblar.     APA TV-nin xəbərinə görə, araşdırmalar nəticəsində  məlum olub ki,  intihara cəhd edən şəxs Rayon Polis İdarəsi  əməkdaşlarının keçirdikləri əməliyyat- axtarış tədbirləri nəticəsində narkotik vasitələrin qanunsuz dövriyyəsinə görə həbs olunan  Astara rayon sakini Zamin Mirzəyevdir.  Onun üzərindən  906, 407 qram tiryək  aşkarklanıb.  İdarənin növbətçi  hissəsindən  APA TV-yə  şəxsin tutulduğunu desələr də, intihar faktı ilə bağlı heç nə deyə bilməyəcəklərini  söyləyiblər.

 

Təqsirləndirilən şəxs müstəntiqə otaqda  ifadə  verərkən qəflətən ayağa durub və pəncərəyə yaxınlaşaraq, özünü atıb. Hazırda şəxsin Musa Nağıyev adına Təcili Tibbi yardım Xəstəxanasının reonimasiya şöbəsində  polis nəzarəti altında müalicə aldığı bildirilir.