Bakıda kobud qayda pozuntusuna yol verən marşrut sürücüsü işdən azad edilib.

 

APA TV-nin məlumatına görə, bu gün 11 nömrəli marşrut xətti üzrə hərəkət edən 10 TG 111 dövlət qeydiyyat nişanlı sərnişin avtobusu yol hərəkəti qaydalarını kobud şəkildə pozaraq yolun əks istiqaməti üzrə idarə edib.

 

 

11 nömrəli müntəzəm marşrut xətti üzrə fəaliyyət göstərən daşıyıcı Bakı Nəqliyyat Agentliyinə çağırılıb. Agentliyin göstərişi əsasında sərnişindaşıma, təhlükəsizlik və yol hərəkəti qaydalarını kobud şəkildə pozan sürücü Əleysər Ələsgər oğlu İsmayılov daşıyıcı tərəfindən işdən azad edilib. Bununla yanaşı, daşıyıcıya analoji halın digər sürücülər tərəfindən təkrarlanmaması üçün zəruri tədbirlərin görülməsi tapşırılıb.