Bakı-Qazax magistral yolunda minik maşını yük maşını ilə toqquşub, sürücü xəsarət alıb. APA TV-nin Mil-Muğan bürosunun məlumatına görə, yol nəqliyyat hadisəsi Hacıqabul rayonunun Pirsaat kəndi ərazisindən keçən hissəsində baş verib.

Sabirabad rayonunun Sarxanbəyli kənd sakini, 1984-cü il təvəllüdlü Nuruşov Usubəli Azad oğlunun idarə etdiyi "Mersedes" markalı avtomobil "KamAZ" markalı avtomobilə arxadan çırpılıb. Nəticədə minik maşınının sürücüsü ağır xəsarətlərlə Şirvan Mərkəzi Şəhər Xəstəxanasının travmatologiya şöbəsinə yerləşdirilib. "KamAZ" markalı avtomobilin sürücüsü isə hadisə yerindən uzaqlaşıb.

Faktla bağlı Baş Dövlət Yol Polisi İdarəsində araşdırma aprılır.