Xaçmaz rayonunda 1 ay əvvəl itkin düşən 62 yaşlı kişinin meyiti aşkarlanıb. Heyvanlar tərəfindən parçalanmış meyit çürümüş vəziyyətdə olub. APA TV-nin şimal bürosunun verdiyi məlumata görə, onun meyiti Xudatda meşə massivində tapılıb.

 

Xaçmaz rayonu, Xudat şəhəri, Vaqif küçəsi 24, mənzil 4-də yaşayan, 1951-ci il təvəllüdlü Sabir Ramazanov noyabrın 10-da evdən çıxıb, bir daha geri qayıtmayıb. Qohumlarının verdiyi məlumata görə, o yaddaş pozğunluğundan əziyyət çəkirmiş.

 

Faktla bağlı araşdırmalar davam etdirilir.