Ermənistan əhalisi arasında Dağlıq Qarabağ münaqişəsi ilə əlaqədar ictimai sorğu keçirilib.

 

APA TV-nin "Panarmenian"a istinadən məlumatına görə, Qafqaz İnstitutu tərəfindən keçirilən sorğuda rəyi soruşulanların 38,7 faizi Ermənistan üçün qəbuledilməz həll variantı olacağı təqdirdə, heç bir addım atmayacağını, 27,3 faiz respondent isə dinc nümayişlərdə iştirak edəcəyini bildirib.

 

Hesabatda qeyd olunur ki, əhalinin 16,2 faizi buna sosial şəbəkələr vasitəsilə etiraz edəcəyini deyib, 7 faiz vətəndaş hələ öz qərarını verməyib. Cəmi 8,6 faiz respondent toqquşmalarla müşayiət olunan nümayişlərdə iştirak edəcəyini söyləyib.

 

2015-ci ildə Ermənistanın işğal etdiyi Dağlıq Qarabağ ərazisində keçirilən sorğuda orada məskunlaşdırılan əhalinin 63,7 faizi bölgənin Ermənistanın tərkibinə daxil edilməsini istəyib. 2016-cı ildə aprel döyüşlərindən sonra bu rəqəm xeyli aşağı düşüb.