Yasamal rayonu, Tbilisi prospekti 31/66 ünvanında yerləşən evdə yanğın  hadisəsi baş verib. Hadisə nəticəsində ev içərisindəki əşyalar və yanar konstruksiyalarla birlikdə yanaraq külə dönüb.

 

APA TV-nin məlumatına görə, ümumi sahəsi 70 kvadratmetr olan birmərtəbəli 4 otaqlı evdə qeydə alınan yanğının söndürülməsinə Yasamal Rayon Yanğından Mühafizə Hissəsinin şəxsi heyəti və texnikası cəlb olunub.

 

Nəticədə yanğının digər tikililərə, o cümlədən yaxınlıqdakı elektrik yarımstansiyasına keçməsinin qarşısı alınıb.

 

Yanğınsöndürənlərin köməyi ilə yanğın qısa müddətdə tam lokallaşdırılıb.

 

Hadisənin səbəbləri ilə bağlı araşdırma aparılır.