Suriyada Türkiyənin hərbi maşın karvanı partladıldı: 1 şəhid, 2 yaralı
Suriyanın İdlib vilayətində Türkiyə Silahlı Qüvvələrinin (TSQ) hərbi maşın karvanına hücum olub.
APA TV-nin Türkiyə mətbuatına istinadən məlumatına görə, bombalı hücum zamanı bir mülki şəxs şəhid olub, bir mülki şəxs və bir hərbçi yaralanıb.
TSQ-nın açıqlamasında hücumun terrorçular tərəfindən partlayıcı quraşdırılmış avtomobillə həyata keçirdiyi bildirilir.
Şəhid olan Yasin Tanboğa Türkiyənin Meşə və Melorasiya Nazirliyinin əməkdaşıdır.
