Astarada 40 yaşlı kişi qətlə yetirildi
Astara sakininin yaşadığı mənzildə meyiti tapılıb. APA TV-nin cənub bürosunun verdiyi xəbərə görə, hadisə rayonun Kolatan kəndində qeydə alınıb.
Həmin kəndin sakini, 40 yaşlı Vüsal Qasım oğlu Hüseynovun yaşadığı mənzildə meyiti aşkar olunub. Hadisə yerinə hüquq-mühafizə orqanlarının əməkdaşları cəlb edilib. İlkin məlumata görə, Vüsal Hüseynov küt alətlə başından aldığı zərbələrdən ölüb.
Meyit müayinə olunmaq üçün Məhkəmə Tibbi-Ekspertiza və Patoloji Anatomiya Birliyinin Lənkəran Şəhər Şöbəsinə təhvil verilib.
Qeyd edək ki, V.Hüseynov 20 ilə yaxın Rusiya Federasiyasında yaşayıb. O, bir neçə gündür Astaraya gəlibmiş. Faktla bağlı araşdırmalara başlanılıb.
