İtaliyaya rəsmi səfəri çərçivəsində Türkiyə prezidenti Rəcəb Tayyib Ərdoğan Vatikana gedib.

 

APA TV-nin Türkiyə mətbuatına istinadən məlumatına görə, dövlət başçısı Papa Fransisk ilə görüşüb.

Görüşdə Türkiyə-Vatikan əlaqələri, Suriya, İraq və Liviyadakı vəziyyət, Qüdslə bağlı Donald Trampın verdiyi qərar müzakirə edilib.

Xatırladaq ki, bu, Türkiyə prezidenti səviyyəsində Vatikana 59 ildən sonra edilən ilk belə səfərdir. Sonuncu dəfə 1959-cu ildə Cəlal Bayar Vatikanda olub.

Vatikandan sonra Rəcəb Tayyib Ərdoğan Romaya keçərək İtaliya prezidenti və baş naziri ilə bir araya gələcək.