Qış Olimpiya Oyunlarının paytaxtı Pxençxanda güclü külək nəticəsində 16 nəfər xəsarət alıb.

 

APA TV-nin Rusiya mətbuatına istinadən məlumatına görə, bu  barədə oyunların təşkilat komitəsinin nümayəndəsi Son Pek Yu bildirib.

 

"İndiyədək 16 nəfər tibbi yardım üçün müraciət edib. Onlardan 13-ü bizim əməkdaşlarımız, 3-ü isə tamaşaçılardır. Xəsarət alanlar ambulator yardım göstərildikdən sonra evə buraxılıblar" - deyə, Son Pek Yu qeyd edib.

 

Şiddətli külək səbəbindən Pxençxandakı Olimpiya parkı müvəqqəti olaraq bağlanıb, bir sıra yarışlar təxirə salınıb.

 

Qeyd edək ki, XXIII Qış Olimpiya Oyunları fevralın 9-dan 25-dək Cənubi Koreyanın Pxençxan şəhərində keçirilir