Əsəd qüvvələri bir neçə saat sonra Afrində olacaq - SURİYA DÖVLƏT TELEVİZİYASI
PKK terror təşkilatının Suriya qolu PYD/YPG və Bəşər Əsəd arasında Afrinlə bağlı razılaşma əldə edilib.
APA TV-nin məlumatına görə, Suriya Dövlət Televiziyası Bəşər Əsədə sadiq qüvvələrin bir neçə saat ərzində Afrinə daxil olacağı barədə xəbər yayıb.
Xatırladaq ki, Suriya ordusunun kiçik bir hissəsi Afrinə daxil olub. Əsəd qüvvələri bölgədə Türkiyəyə qarşı döyüşən PYD/YPG terrorçularına dəstək vermək üçün "Zeytun budağı" əməliyyatının aparıldığı ön cəbhələrə yerləşdiriləcək.
Qeyd edək ki, Suriya rəsmiləri Ankaranı Afrin səmasında uçuşlar həyata keçirən Türkiyəyə məxsus təyyarələrin vurulacağı ilə bağlı dəfələrlə təhdid edib.
