ABŞ-ın Monteneqrodakı səfirliyinin binası yaxınlığında partlayış baş verib.

 

APA TV-nin Türkiyə mətbuatına istinadən verdiyi məlumata görə, hadisə ilə əlaqədar səfirliyin binasına bütün girişlər bağlanıb. Partlayış nəticəsində dəymiş ziyan barədə məlumat yoxdur.

Partlayışı törədən şəxs əvvəlcə paytaxt Podqoritsada yerləşən səfirliyin ərazisinə bir neçə əl qumbarası atıb, sonra isə özünü partladıb.

 

Səfirliyin saytında ABŞ vətəndaşlarına xəbərdarlıq ünvanlanıb.

 

Onlara səfirliyin binasına yaxınlaşmamaq, çoxlu insan olan yerlərdən uzaq durmaq, yerli hakimiyyət orqanlarının göstərişlərinə riayət etmək və vəziyyəti media vasitəsilə izləmək tövsiyə olunub.