Qusar rayonunun Zuxul kəndi ərazi­sin­də Azərbaycan Respublikasının Rusiya Federasiyası ilə dövlət sərhədində ilk sərhəd nişanının təntənəli quraşdırılması mərasimi keçirilib.

 

APA TV-nin xəbərinə görə, Azərbaycan Sərhəd Mühafizəsi tarixinin ən əlamətdar hadi­sələrindən biri olan bu təntənəli mərasimdə Azərbaycan Dövlət Sərhəd Xid­mə­tinin və Rusiya Federal Təhlükə­siz­lik Xidmətinin Sər­həd Xidmətinin nümayəndə heyətləri, Azərbaycan Res­publikası və Rusiya Fe­de­rasiyası arasında dövlət sərhədinin delimitasiyası və demarkasiyası üzrə Döv­lət Komissiyalarının üzvləri iştirak etmişlər.

 

Azərbaycanın Rusiya Federasiyası ilə dövlət sərhədində ilk sərhəd nişanı quraşdırıldıqdan sonra Dövlət Sərhəd Xidmətinin rəisi general-polkovnik Elçin Quliyev, dövlət sərhədinin delimitasiyası və demarkasiyası üzrə Dövlət Komissiyasının sədrləri Xələf Xələfov və Vadim Postnov, Rusiya Federal Təhlükəsizlik Xidmətinin Sərhəd Xidmətinin nü­mayəndə heyətinin rəhbəri general-ley­tenant Aleksey Buyerov çıxış edib­lər.

 

Çıxışlarda bu hadisə­nin Azərbaycan Respublikası ilə Rusiya Fede­rasiyası arasında döv­lət­lər­ara­­sı münasibətlərin mehriban qon­şuluq və dost­luq, strateji tərəf­daşlıq və qar­­şılıqlı faydalı əməkdaşlıq səviy­yəsinin növbəti nümayişi olması vurğulanıb, dövlət sərhədinin demarkasiyası işlərinin ən yaxın zamanlarda uğurla başa çatdırı­lacağı qeyd olunub.

 

Qeyd edək ki, Azərbaycan-Rusiya dövlət sər­hə­dinin müəyyənləşdirilməsi prosesinə 1996-cı ildən etibarən başlanıb və 14 illik birgə fəaliyyət uğurla yekunlaşdırılaraq 3 sentyabr 2010-cu il tarixdə “Azərbaycan Res­pub­­li­kası və Rusiya Fe­de­rasiyası arasında dövlət sər­hədi haqqında” dövlət­lərara­sı müqavi­lə imzalanıb.