Bakının Nərimanov rayonu ərazisində piyadanın ölümü ilə nəticələnən yol qəzası olub. APA TV-nin məlumatına görə, hadisə Heydər Əliyev prospektində qeydə alınıb.

1961-ci il təvəllüdlü Məmmədov Sədrəddin Hacıağa oğlu metronun "Koroğlu" stansiyasının yaxınlığında yolu keçərkən "Volkswagen" markalı avtomobilin zərbəsinə tuş gəlib. Məlumata görə, o, piyada keçidi ilə deyil, avtomobil yolu ilə digər tərəfə keçmək istəyib. Ağır xəsarət alan S.Məmmədov 3 saylı Şəhər Klinik Xəstəxanasına çatdırılsa da, həkimlər onun həyatını xilas edə bilməyib.

Hadisənin təfərrüatlarını Nərimanov polisi araşdırır. Sürücü saxlanılaraq ifadəsi alınıb.