Ermənistan parlamentində ölkənin yeni prezidentinin seçkisi keçirilib.

 

APA TV-nin erməni mətbuatına istinadən məlumatına görə, Armen Sarkisyan ölkənin yeni prezidenti seçilib. Onun namizədliyi parlament çoxluğu tərəfindən irəli sürülmüşdü.

 

A.Sarkisyan ölkəsinin Böyük Britaniyada səfiri vəzifəsində çalışırdı. O, daha əvvəl Ermənistanın baş naziri olub.

 

Qeyd edək ki, 2015-ci ildə qəbul edilmiş yeni Konstitusiyaya əsasən, Ermənistan 2018-ci ilin aprelində parlament idarə üsuluna keçir. Prezident məhdud səlahiyyətlərə malik olacaq, ölkəyə rəhbərliyi isə baş nazir həyata keçirəcək.