Paytaxtda keçmiş məhkumdan tapança götürülüb.

 

DİN mətbuat xidmətindən APA TV-yə verilən məlumata görə, Binəqədi Rayon Polis İdarəsi 6-cı Polis Bölməsinə Oktay adlı şəxsdə odlu silah-sursat olması barədə məlumat daxil olub.

 

Bölmə əməkdaşlarının həyata keçirdiyi təxirəsalınmaz əməliyyat-axtarış tədbiri nəticəsində həmin şəxs –  Bakı şəhər sakini, əvvəllər məhkum olunmuş Oktay Cabbarov saxlanılıb. Onun üzərində hal şahidlərinin iştirakı ilə şəxsi axtarış keçirilən zaman 1 ədəd “Makarov” markalı tapança, 4 ədəd patron və patron darağı aşkar olunaraq götürülüb.

 

Faktla bağlı cinayət işi başlanılıb. Aşkar edilən silahdan hansısa cinayətdə istifadə olunub-olunmadığı araşdırmalardan sonra məlum olacaq.