ABŞ-ın Pensilvaniya ştatında qatarla yük maşını toqquşub. APA TV-nin BBC-yə istinadən verdiyi xəbərə görə, yük maşını həmin vaxt xlorid turşusu daşıyırmış.

Məlumata görə, qəza nəticəsində 11 nəfər, həmçinin yük maşınının sürücüsü xəsarət alıb. Hadisədən sonra isə yük maşınında olan 22 ton xlorid turşusu ətrafa yayılıb. Dəmiryolu xəttinin sıradan çıxdığı da bildirilir.

Əraziyə polis əməkdaşları və təhlükəli maddələr üzrə ekspert qrupu cəlb olunub. Yaxınlıqda yaşayan 15 evin sakinləri təhlükəsiz yerlərə köçürülüb.

Qəzaya səbəb kimi sürücünün diqqətsizliyi göstərilir.