Suriyada terrorçular Tişrin bölgəsindəki hospitalı atəşə tutub. APA TV-nin "Reuters"ə istinadən verdiyi xəbərə görə, bu barədə Rusiyanın Suriyada Düşmən Tərəflərin Barışdırılması üzrə Mərkəzinin rəhbəri general-mayor Yuri Yevtuşenko açıqlama verib.

Məlumata görə, hücum nəticəsində 10 nəfər dünyasını dəyişib. Daha 49 nəfərin də xəsarət aldığı bildirilir.

Y.Yevtuşenko həmçinin əlavə edib ki, Şərqi Qutadan silahlı birləşmələrin açdığı atəş zamanı Dəməşqdəki Rusiya mövqeləri - səfirlik, ticarət nümayəndəliyi və Düşmən Tərəflərin Barışdırılması üzrə Mərkəz hədəfə alınıb. Onun sözlərinə görə, son 10 sutka ərzində bu mövqelərə 272 mərmi atılıb ki, nəticədə 13 nəfər ölüb, 135 nəfər isə xəsarət alıb.