ABŞ-ın Ankaradakı səfirliyinin fəaliyyəti bu gündən bərpa olunur. APA TV-nin TASS agentliyinə istinadən verdiyi xəbərə görə, bu barədə Amerika diplomatik nümayəndəliyindən məlumat verilib.

Məlumata görə, Ankaradakı səfirlik normal rejimdə fəaliyyət göstərməyə və xidmət etməyə başlaycaq. Bununla yanaşı, məlumatda Türkiyə polisinə göstərdiyi dəstəyə görə minnətdarlıq da qeyd olunub.

Qeyd edək ki, ABŞ-ın Türkiyədəki səfirliyinin fəaliyyəti martın 5-də təhlükəsizlik təhdidləri ilə əlaqədar müvəqqəti dayandırılmışdı.