PKK tərəfdarları Türkiyə Silahlı Qüvvələrinin keçmiş Baş Qərargah rəisi İlkər Başbuğa hücum olub.

APA TV-nin Türkiyə mətbuatına istinadən məlumatına görə, ABŞ-da Con Hopkins universitetində keçirilən simpoziumda çıxışı zamanı İlkər Başbuğ bir qrup PKK tərəfdarının hücumuna məruz qalıb.

PKK tərəfdarları keçmiş qərargah rəisinin çıxışına etiraz edərək şüarlar səsləndirib və qapıları təpikləməyə başlayıblar.

İlkər Başbuğa hücum çəkməyə çalışan etirazçılar təhlükəsizlik xidmətinin əməkdaşları tərəfindən salondan çıxarılıblar. Buna baxmayaraq etirazçılar yenə də oradan uzaqlaşmayıb. Etirazçıların dağılmadığını görən təhlükəsizlik əməkdaşları İlkər Başbuğu polis nəzarəti altında binadan çıxarıblar.