Gəncədə narkotik satmaqda şübhəli bilinən şəxs ələ keçirilib.

 

DİN mətbuat xidmətindən APA TV-yə verilən məlumata görə, Dəmir Yolu Nəqliyyatında Polis İdarəsinin Gəncə Stansiyası Xətt Şöbəsinin əməkdaşları tərəfindən narkotiklərin qanunsuz dövriyyəsinin qarşısının alınması istiqamətində əməliyyat tədbiri həyata keçirilib. 

 

Nəticədə narkotik vasitələrin qanunsuz dövriyyəsi ilə məşğul olmaqda şübhəli bilinən Gəncə şəhər sakini Mahir Aşırov polis əməkdaşları tərəfindən saxlanıb. Şöbədə onun üzərinə şəxsi axtarış keçirilən zaman əlindəki polietilen kisədə ümumi çəkisi 2 kiloqram 270 qram marixuana aşkar edilərək götürülüb.

 

Faktla bağlı cinayət işi başlanılıb, istintaq davam edir.