Salyanda  47 yaşlı kişi özünü asaraq intihar edib. APA TV-nin Mil-Muğan bürosunun xəbərinə görə, hadisə ötən gün səhər saatlarında Salyan rayonunun Kürqaraqaşlı kəndində baş verib.

Kənd sakini, 47 yaşlı Tahir Hüseynov həmişəki kimi səhər sübh tezdən duraraq tövlədə sağıma hazırlıq üçün inəkləri yerbəyer etməyə güdib. Evə bir qədər gec gəldiyini görən həyat yoldaşı pəncərədən baxarkən onun intihar etdiyinin şahidi olub.

Mərhumun yaxınlarının dediyinə görə, intihar edən T.Hüseynovun hər hansı sıxıntı çəkməsi barədə xəbərsiz olublar. Onun  intihar etməsi də müəmmalı olaraq qalır.

T.Hüseynovun ölümündən sonra 3 övladı qalıb. Faktla bağlı araşdırmalar aparılır.