Laqonda Kürdəmir sakininin həyatına son qoydu
Kürdəmir sakini bədbəxt hadisə nəticəsində ölüb. APA TV-nin yerli bürosunun məlumatına görə, hadisə bu gün səhər saat 11:00 radələrində rayonun Karrar kəndində qeydə alınıb.
Kənd sakini, 1961-ci il təvəllüdlü Əlməhəmməd Əziz oğlu Əzizov həyətyanı sahədə laqonda ilə işləyərkən ehtiyatsızlıqdan bud nahiyəsini kəsib. Zərərçəkən təcili olaraq Kürdəmir Mərkəzi Rayon Xəstəxanasına çatdırılıb. Lakin həkimlərin səylərinə baxmayaraq, onun həyatını xilas etmək mümkün olmayıb.
Faktla bağlı araşdırma aparılır.