İraq ordusu PKK və YBŞ-nin nəzarət etdiyi Sincar qəsəbəsinə girib.

 

APA TV-nin məlumatına görə, PKK terrorçularının çəkildiyi iddia olunan Mosulun Sincar qəsəbəsində hərbi əməliyyat başlanıb. İraqlı hərbçilər PKK terrorçuları tərəfindən təlim keçirilən Sincar Dirəniş Birliklərinin (YBŞ) üzvü olan 7 şəxsi həbs edib.

 

Əməliyyat səhər saatlarında başlayıb. Binalarda asılan PKK və YBŞ-yə aid simvollar, bayraqlar sökülüb. İraq ordusunun PKK-ya aid geyimlərdən istifadəyə qadağa qoyduğu bildirilir. Bölgəyə jurnalistlər buraxılmayıb.

 

Qeyd edək ki, Türkiyə hökuməti İraq ərazisində PKK terrorçularının olmasından narahatlığını bildirərək, İraqın terrorçuları zərərsizləşdirməyəcəyi təqdirdə, bu ərazilərə ordu yeridilə biləcəyini açıqlamışdı.