Türkiyə prezidenti Rəcəb Tayyib Ərdoğan günlər öncə nümayiş etdirdiyi Bozqurd işarəsi ilə bağlı məsələyə aydınlıq gətirib.

APA TV-nin Türkiyə mətbuatına istinadən məlumatına görə, Ərdoğan həmin an baş verənlərin iradəsinin xaricində olduğunu deyib:

"Özümdən asılı olmadı, amma gözəl alındı. Spontan alınıb, fərqində olmamışam. Daha sonra bunu mənə dedilər".

Xatırladaq ki, Ərdoğan lideri olduğu Ədalət və İnkişaf Partiyasının (AKP) Mersin toplantısında Bozqurd işarəsi nümayiş etdirmişdi, baş verənlər isə uzun müddət müzakirələrə səbəb olmuşdu.