Polşa ABŞ-dan "Patriot" raket sistemləri alır - RUSİYA SƏRHƏDİNƏ YERLƏŞDİRƏCƏK
ABŞ-la Polşa arasında 4,75 milyard dollarlıq silah ticarəti razılaşması imzalanıb.
APA TV-nin Türkiyə mətbuatına istinadən məlumatına görə, Pentaqon Polşaya "Patriot" raketdən müdafiə sistemi satacaq. Bu sistem ölkənin paytaxtı Varşava və ətrafında qurulacaq.
Polşanın "Patriot"ların ilin sonuna qədər qurulmasını istədiyi bildirilir. Ölkə başçısı Andrzej Duda imza mərasimində razılaşmanı "fövqəladə tarixi bir an" olaraq qiymətləndirib.
Qeyd edək ki, NATO üzvü olan Polşa Rusiyanın Krımı ilhaq etməsindən sonra ordusunu modernləşdirməyə başlayıb. Ordunun silahlarının 2/3 hissəsinin sovetdənqalma olması Polşanı silahlanmanı sürətləndirməyə məcbur edib.
