Bakının Yasamal rayonunda yol qəzası baş verib. APA TV-nin xəbərinə görə, avtoqəza İzmir küçəsində qeydə alınıb.

Hadisə zamanı "Mercedes" və "Skoda" markalı minik maşınları toqquşub. Məlumata görə, birinci avtomaşın Tbilisi prospektindən İnşaatçılar prospekti istiqamətində hərəkət edirmiş. Qarşı istiqamətdə gələn "Skoda" markalı avtomobilin sürücüsü də geriyə doğru manevr etmək istəyib və bu vaxt digər nəqliyyat vasitəsinin yoluna çıxıb. Toqquşma zamanı hərəkəti tənzimləyən yol nişanı da aşıb. Nəticədə ərazidə qısa müddətli tıxac yaranıb.

Yol qəzası nəticəsində ciddi xəsarət alan olmayıb. Qəzaya uğramış avtomobillər ərazidən götürüldükdən sonra hərəkət bərpa edilib.