PYD/YPG terrorçularının əsasını təşkil etdiyi Suriya Demokratik Qüvvələri (SDQ) nümayəndələrinin Fransa prezidenti Emmanuel Makron ilə görüşündən öncə çəkilən fotoları yayılıb.

APA TV-nin məlumatına görə, foto Yelisey sarayının önündə çəkilib.

7 nəfərlik heyət Fransa paytaxtı Parisdə Makronla görüşüb. Foto Fransa ilə Türkiyə arasında böhrana səbəb olan görüşdən öncə çəkilib.

Görüşdən sonra verilən açıqlamada Fransa tərəfi PYD/YPG-yə dəstək sözü verərək "vasitəçilik" təklifi etmişdi. SDQ-dən verilən açıqlamada isə, Fransanın Menbiçə ordu göndərəcəyi iddia edilmişdi.

Parisdəki görüşə və Makronun vasitəçilik təklifinə Türkiyə prezidenti Rəcəb Tayyib Ərdoğan və xarici işlər naziri Mövlud Çavuşoğlu sərt etirazını bildirmişdi.